フィリピノ語：ひろしま平和の歌(Filipino：Awit ng Kapayapaan ng Hiroshima)

Awit ng Kapayapaan ng Hiroshima

Liriko: Yoshio Shigezono

Komposisyon: Minoru Yamamoto

1. Kung saan dumadaloy ang mga puting ulap
   Sa dulo ng kalangitan, mula silangan hanggang kanluran
   Matining ang alingawngaw
   Sa tunog ng Kampana ng Kapayapaan
   Matapang tayong babangon ngayon
   At isusulong ang kaunlaran
2. Kung saan umaagos ang mga asul na alon
   Sa dulo ng karagatan, mula silangan hanggang hilaga
   Iparating sa malayo ang ating dasal
   Sa tunog ng Kampana ng Kapayapaan
   Lalampasan natin ang mga pagsubok ngayon
   At lilingon sa kinabukasan
3. Kung saan kumikinang ang dalisay na hangin
   Sa dulo ng bansang Hapon, sa mga kaibigan sa buong mundo
   Iparating ang ating nag-aalab na adhikain
   Sa tunog ng Kampana ng Kapayapaan
   Magkapit-bisig tayo ngayon
   At umawit nang may pagkakaisa

Ang “Awit ng Kapayapaan ng Hiroshima” ay isang awit na nilikha para sa “Peace Festival” na ginanap noong Agosto ng 1947 na may hangarin na gawing bukal ng kapayapaan sa daigdig ang Hiroshima City. Kumalap ang Peace Festival Association ng liriko mula sa publiko (sa pamumuno ni President Shinzo Hamai, dating Mayor ng Hiroshima) at nabuo ang awit sa pamamagitan ng paglapat ni Minoru Yamamoto ng musika sa napiling likha ni Yoshio Shigezono. Ang nasabing awit ay kinanta ng may dangal sa mataimtim na pagdaraos ng kauna-unahang Peace Festival noong ika-6 ng Agosto sa parehong taon. Ang nasabing awit ay kinakanta pa rin bawat taon sa Peace Memorial Ceremony.