Karahasang dulot ng Asawa/Partner atbp.(Domestic Violence)

Alam mo ba ang Domestic Violence (DV)?

Hindi ka ba naghihirap nang mag-isa?

• Kung dumaranas ka ng karahasan
  Huwag maghirap nang mag-isa, kundi makipagkonsulta.
• Siguraduhing makipag-ugnayan sa pulis o institusyong pangkonsultasyon kung emergency.
• Kung nais ngunit hindi kayang makipagkonsulta ng kinauukulang tao, makipag-ugnayan kahalili ng taong iyon.

Alam mo ba ang Domestic Violence (DV)?

• Karahasang dulot ng asawa o partner ang Domestic Violence.
  Mayroong sumasaklaw sa gawaing kriminal, at hinding hindi ito dapat payagan.
• May iba’t ibang anyo ng karahasan.
  • “Karahasang Pisikal”
    Pagsuntok, Pagsipa
    Pagtutok ng patalim o iba pang sandata sa katawan Pananabunot  atbp.
  • “Karahasang Sikolohikal”
    Pagsigaw nang malakas
    Pagsabi ng “Sino ang bumubuhay sa iyo” atbp.
    Paglimita sa pakikipag-ugnayan sa kaibigan, pagbubusisi sa telepono, text, email at iba pa
    Hindi pagpansin atbp.
  • “Karahasang Seksuwal”
    Pagpapanood ng malaswang video kahit ayaw panoorin,
    Pagpilit na makipagtalik kahit ayaw
    Pagpilit ng abortion
    Hindi pagtulong sa contraception atbp.
  • “Karahasang Pinansyal”
    Hindi pagbigay ng panggastos sa pamumuhay, hindi pagpapatrabaho atbp.

* Malaki ang epekto ng karahasan sa biktima at maging sa anak.

May batas na nagpoprotekta sa biktima ng Domestic Violence (DV)

“Batas hinggil sa Pagpigil ng Karahasang dulot ng Asawa at Proteksyon ng Biktima” (Batas sa Pagpigil ng DV)

• Mabigat na paglabag sa karapatang pantao ang DV at mayroong sumasaklaw sa gawaing kriminal.
• Sa Spousal Violence Counseling and Support Center, kasabay ng pagtugon sa konsultasyon ukol sa DV, kung kinakailangan, nagbibigay rin ng panandaliang proteksyon sa shelter at nagsasagawa ng suporta para sa kaligtasan at kasarinlan.
• Kung malubha ang panganib na mapahamak ang buhay o katawan, batay sa petisyon ng biktima, maaaring iutos ng hukuman sa taong nananakit ang pagbabawal ng paglapit sa biktima at paglisan mula sa kanilang tirahan.

Sa batas na ito

• Sakop ang karahasang dulot ng asawa, ngunit kasama rin ang taong nasa kalagayang katulad ng relasyon ng tunay na mag-asawa at dating asawa.
  Sakop din ang karahasang dulot ng ka-relasyong kinakasama sa pangunahing tahanan.
• Tinutukoy din ang lahat ng dayuhang nasa Japan, anuman ang kanilang nasyonalidad o pahintulot para sa paninirahan.

* Nagtayo ng “Site ng Impormasyon ng Tulong para sa Biktima ng Karahasang dulot ng Asawa” ang Gabinete ng Japan. システムアナウンス＜外部リンク＞

Ano ang mangyayari sa pahintulot para sa paninirahan kapag nagdiborsyo o naghiwalay ng tirahan,?

• Kahit magdiborsyo, hindi agad mawawalang-bisa ang pahintulot para sa paninirahan, ngunit maaaring kailangan ng pag-uulat ayon sa pahintulot para sa paninirahan, kaya’t makipagkonsulta kaagad sa malapit na kawanihan ng imigrasyon.
• Pagkatapos magdiborsyo, kung magpapalaki ng anak ng Hapon, maaaring mag-apply para mapalitan ang pahintulot para sa paninirahan sa “long-term resident” (teijūsha) sa kawanihan ng imigrasyon.
• Pagkatapos magdiborsyo, kahit walang anak, maaaring pahintulutan ang paninirahan at mabigyan ng pahintulot na paninirahan bilang “long term resident” (teijūsha) sa pamamagitan ng pag-apply para sa pagpalit ng pahintulot sa kawanihan ng imigrasyon.

Listahan ng mga Institusyong Pangkonsultasyon tungkol sa Domestic Violence (DV)

Sa konsultasyon, isasaalang-alang ang privacy, at mahigpit na pangangalagaan ang lihim. Libre ang konsultasyon.

Kung nais makipagkonsulta

Kung nais ipapigil ang karahasan o nais humiling ng emergency protection

Konsultasyon ukol sa paglabas/pagpasok ng bansa, paninirahan atbp. mula sa dayuhan o taong may kaugnayan sa dayuhan, Konsultasyon ukol sa karapatan ng dayuhan

* Mga Pista Opisyal, katapusan at simula ng taon, atbp. ang mga holiday.

Para sa katanungan tungkol sa pahinang ito

Gender Equality Office, Human Rights Education Department, Citizens Affairs Bureau
Tel：082-504-2108/Fax：082-504-2609
Mail Address：danjo@city.hiroshima.lg.jp